الدم كله حرام ...الشاعر محفوظ البراموني

الدم كله حرام ..

هو  ف إيه  ؟؟
ليه بنعيش ف ظلام  ؟؟

يا بلاد العرب يا محسودة  ..

أيامنا الجرب  بقت سودة  ..

كل يوم شهداء ..
       كل ساعة بكاء ..
             كل لحظة بلاء ..
                الكل عايش ب شقاء ..
                   العذاب متشكل ب عناء ..

هو  ف إيه ؟؟

الدم العربي ليه رخص بقى ب الفرنكات ..

مليان ف الشوارع  و كل الطرقات ..

أكلم مين ؟؟
أشكي ل  مين و للا مين ؟؟
و مين يسمع لوعة  الأهات ؟؟

خلاص وقفت النبضات ..
       مفيش غير سكوت  السكات ..
                 و صمت  دموع الصرخات ..

بلادي العربية الجميلة  ..

سوريا  ..
        الياسمين  عطرها ب يروح  ..

عراق    ..
        الرافدين  مجدها  ب يروح   ..

اليمن    ..
         السعيد  سعده   ب يروح     ..

ليبيا      ..
        المختار  شموخها ب يروح    ..

تونس    ..
        الخضراء   لونها  ب يروح      ..

و بلدي    ..
         المحروسة حبيبة الروح        ..

و العين    ..
          ع الباقي  هتروح     ..

أنا ب رفع الكارت  الأحمر   ..

ل كل خاين  إحساسه مدبوح     ..

مشاعره ماتت مليانة جروح       ..

الخس فيه باين مطرح مايروح   ..

إحنا شعوب العرب  يا ولاد التيييت   ..

مفيش بينا فرق و لا عندنا التشتييت ..

إحنا أخوات ع الحق ..

الكارت  الأحمر  ..

مرفوع دايما ف العالالي  ل فوق  ..

و اللي مش عاجبه بكرة مشنوق   ..

أكلم مين ؟؟

ده كله شياطين ..

ب يدمروا بلادنا العربية  ..
                      ب الشر  عايشين ..

بس و الله الخير جاى  ..
           مع غصن الزيتون و الياسمين ..

و الناس  المتفرعنة   ..
                  هتروح  فين          ..

رب الناس  قادر  ..
                    يهلك الملاعين     ..

  يغرق كل فاجر     ..
                  ف سواد من طين  ..

بكرة  يا شياطين  ..
              تعرفوا  إحنا مين  ؟؟

و الله ما أحنا ساكتين ..
           ربنا دايما مع المساكين  ..

الجيل اللي  طالع ..
            نجمه  عالي ساطع ..

رافع راية الإنتصار  ..
        عمره  أبدا   ما ينهار   ..

بعد ليل الإنهيار ..
         لابد من شمس النهار  ..

أصله ما يعرفش الإنهزام  ..
     عاجلا  أجلا هيحقق الأحلام ..

و كل الزبالة هتعجز  و  تموت    ..

و جيل الشباب و الحب هيفوت ..

و يتلفوا  ب أعلامهم و الورود و الزهور ..

و ينوروا  القناديل من النجوم و بدر البدور ..

هذيان قلم :
:  محفوظ البراموني :